Actividá pal fin de selmana

Esti fin de selmana torna l’actividá pa los equipos base del HOSTELCUR XIXÓN H.C. y pal equipu de Primera División B depués del parón pol puente de la Constitución.
No tocante al equipu masculín de Primera División B recibe, nel Pabellón Mata Xove al Gradohockey, cola responsabilidá de desfacer la mala imaxen del últimu partíu nel que cayeron de forma abultada frente al líder de la categoría. La cita será’l domingo a les 12:00 hores.
Al respective de los equipos de la base xixionesa hai que reseñar que los xuveniles, los infantiles y l’alevín B descansen esta xornada, mientres que l’alevín A, el benxamín y el prebenxamín desplácense a Uviéu pa medise col Centru Asturianu B na so pista social nel Naranco y qu’habríen de servir a los xixoneses pa refrendar la so buena marcha na competición.
En cuanto al equipu femenín, tal y como anunciamos nesta mesma web, recibe en Mata Xove al ERC Iserlohn alemán en partíu de vuelta de cuartos de final de la Copa d’Europa.
Los horarios de los partíos nos qu’intervién l’HOSTELCUR XIXÓN H.C. a lo llargo de tol fin de selmana son los que vienen darréu: