El Manlléu, próximu rival del HOSTELCUR

El sábado, en la hora habitual (19:00), visitará’l pabellón Mata Xove el C.P. Manlleu, un equipu que nes últimes temporaes corvirtióse nun habitual de los puestos altos de la clasificación compitiendo por un puestu n’Europa, lo mesmo que’l HOSTELCUR. Trátase d’un partíu correspondiente a la ochava xornada de la OK Lliga na que los dos equipos tuvieron compromisos europeos. Llegará’l Manlleu a Xixón aupáu a la segunda posición de la tabla, tan solo per detrás del Voltregà y les locales habrán de facer frente a un xuegu bien directu que se sofita na calidá de la so más brillante xugadora, Anna Romero.
La entrenadora xixonesa, María Fernández, tendrá a la so disposición a la plantilla habitual, que con brillantez superó’l caberu fin de selmana la eliminatoria de Copa d’Europa frente al Iserlohn.
El Club xixonés dispondrá entrada llibre pa toles persones que lleven al pabellón alimentos (lleche, lates de converves, embutíos, café, aceite, productos infantiles, …) dientro de la campaña del deporte xixonés “Nin un platu vacíu” y que serán donaos a la Cocina Económica.